पहिल्या आंतरराष्ट्रीय रोजगार मेळाव्याचे आयोजन जिल्ह्यातील अधिकाधिक पात्र युवकांनी लाभ घ्यावा

 पहिल्या आंतरराष्ट्रीय रोजगार मेळाव्याचे आयोजन जिल्ह्यातील अधिकाधिक पात्र युवकांनी लाभ घ्यावा

 

लातूर - भारतातील सुशिक्षित बेरोजगार उमेदवारांना परदेशातील नोकरी उपलब्ध होण्यासाठी पहिला आंतरराष्ट्रीय रोजगार मेळावा दिनांक 21 फेब्रुवारी 2023 ते 26 मे 2023 या दरम्यान नॅशनल स्किल डेव्हलपमेंट कार्पोरेशन (एनएसडीसी)  यांचे मार्फत आयोजित करण्यात आलेला आहे. त्याचा अधिकाधिक पात्र युवकांनी लाभ घ्यावा असे आवाहन सहायक आयुक्त जिल्हा कौशल्य विकास, लातूर यांनी केले आहे.

यामध्ये ज्यांच्याकडे तांत्रिक/व्यावसायिक उत्कृष्ट कौशल्य इत्यादीचे कुशलज्ञान आहे अशा आयटीआय/अभियांत्रिकी वैद्यकीय/नर्सिंग/कृषी/पशुविज्ञान/फार्मसी इत्यादी पदवी/पदविकाधारक व्यावसायिक पात्रता विशिष्ट क्षेत्रात काम केले असल्यास त्याचा अनुभव असणारे याशिवाय सायन्स/कॉमर्स/कम्प्युटर (आयटी) व इंडस्ट्रिअल लॉजिस्टिक/कॅपिटल गुड्स/सेवा इत्यादी क्षेत्रातील कामाचा अनुभव असणाऱ्या व विदेशात जाऊन आपली आर्थिक,बौध्दिक व सामाजिक भरभराट करू इच्छीणाऱ्या उमेदवारांसाठी देशपातळीवर पहिला आंतरराष्ट्रीय रोजगार मेळावा दिनांक 21फेब्रुवारी 2023 ते 26 मे 2023 या कालावधीपर्यंत आयोजित करण्यात आला आहे.

लातूर जिल्हयातील पात्रताधारक उमेदवारांना विदेशात नोकरीची संधी मिळणार आहे. सदर जॉब फेअरमध्ये उमेदवारांनी सहभागी होण्यासाठी खालील लिंकवर नोंदणी करावयाची आहे.  https://www.kaushalmahotsav.nsdcdigital.org/International/Candidate/ तसेच विविध कंपन्या/उद्योजकांनी सहभागी होण्यासाठी खालील लिंकवर नोंदणी करावयाची आहे.   https://www.kaushalmahotsav.nsdcdigital.org/International/Company/ सदर जॉब फेअरचे प्रक्रिया आणि टाईमलाईन खालीलप्रमाणे आहे.

NSDC या डिजिटल प्लॅटफॉर्मवर विद्यार्थी आणि नियोक्ते यांची नोंदणी 21 फेब्रुवारी 2023 ते 19मार्च 2023, स्क्रीनिंग आणि भाषा चाचणी ऑनलाईन 20 मार्च 2023 ते 27 मार्च 2023, उमेदवार ऑनलाईन मॅपिंग 28 मार्च  2023 ते 10 एप्रिल 2023, भारतातील विविध शहरामध्ये प्राथमिक फेऱ्या 11 एप्रिल 2023 ते 30 एप्रिल 2023, संपूर्ण भारतातील विविध शहरामध्ये अंतिम फेऱ्या 08 मे 2023 ते 15 मे 2023, समारोप समारंभ - उच्च अधिकाऱ्यांच्या सोयीनूसार 26 मे 2023.

सदर आंतरराष्ट्रीय रोजगार मेळाव्यात लातूर जिल्ह्यातील जास्तीत जास्त नोकरी शोधक उमेदवार (Job Seeker)  व नियोक्ते (Employer) सहभागी होण्याचे अवाहन सहायक आयुक्त, जिल्हा कौशल्य विकास, रोजगार व उद्योजकता, मार्गदर्शन केंद्र, लातूर यांनी केले आहे.

अधिक माहिती करिता, जिल्हा कौशल्य विकास, रोजगार व उद्योजकता, मार्गदर्शन केंद्र, लातूर या कार्यालयाच्या 02382-299462 या दुरध्वनी क्रमांक किंवा कार्यालयाच्या ई-मेल आयडी laturrojgar@gmail.com वर संपर्क साधावा.