गंगाधर पवार यांना आदर्श
व्यक्तिमत्व पुरस्कार प्रदान
लातूर : विविध क्षेत्रात विशेष कामगिरी करणाऱ्या कार्यकर्त्यांना शोधून त्यांच्या कार्याचा गौरव करून त्यांचा सन्मान करण्याचे काम ए आय एस एफ वैद्यकीय समितीच्या माध्यमातून करण्यात येते. सन २०२२ मधील पुरस्कार नुकतेच प्रदान करण्यात आले असून पुण्य नगरीचे गंगाधर पवार यांना यावर्षीचा आदर्श सामाजिक कार्यकर्ता पुरस्कार प्रदान करण्यात आला .
खुलताबाद येथे पार पडलेल्या पुरस्कार वितरण अध्यक्षस्थानी राष्ट्रपती पुरस्कार प्राप्त आशाताई गजरे या होत्या तर प्रमुख पाहुणे म्हणून सुधाकर शिंदे हे होते. यावेळी एआयएसएफ वैद्यकीय समितीचे डॉक्टर अमोल जाधव यांच्या मार्गदर्शनाखाली या सोहळ्याचे आयोजन करण्यात आले होते. यामध्ये लेखक, पत्रकार, आरोग्य कर्मचारी , डॉक्टर, समाजसेवक, आदर्श व्यक्तिमत्व अशा व्यक्तीचा समावेश होता.
यामध्ये गंगाधर पवार यांनी वृक्ष लागवड, रक्तदान चळवळ विविध सामाजिक संस्थेच्या माध्यमातून अनेक गरजूंना मदत केली व जिथे अन्याय होईल त्या अन्यायाला वाचा फोडण्याचे काम गंगाधर पवार यांनी केले. यामध्ये खाजगी संस्था, निकृष्ट दर्जाचे काम हे विषय हाती घेऊन मार्गी लावले. शिक्षण क्षेत्रामध्ये विद्यार्थी व शिक्षकांना न्याय मिळवून देण्याचे काम केले. दिशा प्रतिष्ठान या संस्थेशी जवळीकता ठेवून अनेक विद्यार्थी व रुग्णांना मदत मिळवून दिली. रेड फ्लड फाउंडेशन सोबत राहून अनेक गरजूंना रक्त उपलब्ध करून दिले. मराठा परिवार या ग्रुपच्या माध्यमातून सारथी व अण्णासाहेब पाटील आर्थिक विकास महामंडळ कडून लाभ मिळवून दिला तसेच दिव्यांग बांधवांना मोफत कृत्रिम अवयव बसवून देण्याचे काम चालू आहे. या पुरस्काराबद्दल पवार यांचे सर्वस्तरातून अभिनंदन होत आहे .
टिप्पणी पोस्ट करा