हासेगाव फार्मसी महाविद्यालयांमध्ये फॅकल्टी डेव्हलपमेंट प्रोग्राम संपन्न
औसा (प्रतिनिधी ) फॅकल्टी डेव्हलपमेंट प्रोग्राम (FDP) शिक्षणाची गुणवत्ता वाढवण्यात आणि शैक्षणिक संस्थांमध्ये सतत सुधारणा घडवून आणण्यात महत्त्वपूर्ण भूमिका बजावतात. हे कार्यक्रम शिक्षकांना सशक्त करण्यासाठी, नवनिर्मितीला प्रोत्साहन देण्यासाठी पद्धती अद्ययावत राहतील असे प्रतिपादन कोषाध्यक्ष शिवलिंग जेवळे यांनी समारोप भाषणात केले.
श्री वेताळेश्वर शिक्षण संस्थे अंतर्गत आय क्यू ए सी - लातूर कॉलेज ऑफ फार्मसी हासेगाव ,लातूर कॉलेज ऑफ फार्मसी लातूर आणि चन्ना बसवेश्वर कॉलेज लातूर यांच्या संयुक्त विद्यमानाने फॅकल्टी डेव्हलपमेंट प्रोग्रामचे आयोजन करण्यात आले. प्रमुख अतिथी पुणे येथील आरोग्य लाभ फाऊंडेशन चे संचालक एस.बी.भिसे , कार्यक्रमाच्या अध्यक्ष स्थानी संस्थेचे अध्यक्ष भिमाशंकर अप्पा बावगे , सचिव वेताळेश्वर बावगे ,कोषाध्यक्ष शिवलिंग जेवळे, संचालक नंदकिशोर बावगे ,प्राचार्या डॉ श्यामलीला बावगे (जेवळे ) प्राचार्य श्रीनिवास भूमरेला उपस्थित होते .
लातूर कॉलेज ऑफ फार्मसी हासेगाव महाविद्यालयासह , ज्ञानसागर विद्यालय,हासेगाव , लातूर कॉलेज ऑफ डी फार्मसी , लातूर, राजीव गांधी पॉलिटेक्निक कॉलेज हासेगाव, लातूर कॉलेज ऑफ फिजिओथेरपी हासेगाव, लातूर कॉलेज ऑफ औधोगिक प्रशिक्षण संस्था हासेगाव, गुरुनाथ अप्पा बावगे इंटरनॅशनल इंग्लिश स्कूल हासेगाव, लातूर कॉलेज ऑफ सायन्स लातूर या सर्व युनिट चे प्राचार्य, शिक्षक व शिक्षकेतर कर्मचारी उपस्थित होते . या कार्यक्रमाचे सूत्रसंचालन आणि आभारप्रदर्शन प्रा.आयेशा पटेल यांनी केले.
टिप्पणी पोस्ट करा